நீங்கள் தேடியது "இரானி கோப்பை கிரிக்கெட்"

இந்திய அணி ஆஸ்திரேலியாவில் சுற்றுப் பயணம் செய்து விளையாடிய போது ஹனுமா விஹாரி தொடக்க பேட்ஸ்மேனாக களம் இறங்கினார். கடந்த வருடம் நடைபெற்ற இரானி கோப்பை போட்டியில் ரெஸ்ட் ஆப் இந்தியா அணிக்காக விளையாடிய இவர் 183 ரன்கள் விளாசியிருந்தார்.

தற்போது இந்த வருடத்திற்கான இரானி கோப்பை கிரிக்கெட் நடைபெற்று வருகிறது. இதில் ரஞ்சி கோப்பை சாம்பியன் விதர்பா - ரெஸ்ட் ஆப் இந்தியா அணிகள் பலப்பரீட்சை நடத்தி வருகின்றன.

முதலில் விளையாடிய ரெஸ்ட் ஆப் இந்தியா 330 ரன்கள் சேர்த்தது. தொடக்க பேட்ஸ்மேன் மயாங்க் அகர்வால் 95 ரன்னில் ஆட்டமிழந்து சதத்தை தவறவிட்டார்.

3-வது வீரராக களம் இறங்கிய ஹனுமா விஹாரி சிறப்பாக விளையாடி சதம் (114) விளாசினார். பின்னர் முதல் இன்னிங்சில் விளையாடிய விதர்பா கார்னிவர் சதத்தால் (102) 425 ரன்கள் குவித்தது.

பின்னர் ரெஸ்ட் ஆப் இந்தியா 95 ரன்கள் பின்தங்கிய நிலையில் 2-வது இன்னிங்சில் விளையாடியது. மயாங்க் அகர்வால் 27 ரன்னில் ஆட்டமிழந்தார். 3-வது விக்கெட்டுக்கு ஜோடி சேர்ந்த ஹனுமா விஹாரி - ரகானே சிறப்பான ஆட்டத்தை வெளிப்படுத்தினர்.

ரகானே 87 ரன்கள் சேர்த்து ஆட்டமிழந்தார். ஹனுமா விஹாரி 180 ரன்கள் குவித்து ஆட்டமிழக்காமல் இருந்தார். ஷ்ரேயாஸ் அய்யர் 52 பந்தில் 61 ரன்கள் அடிக்க ரெஸ்ட் ஆப் இந்தியா 3 விக்கெட் இழப்பிற்கு 374 ரன்கள் எடுத்திருந்த நிலையில் 2-வது இன்னிங்சை டிக்ளேர் செய்தது. இதனால் விதர்பா அணிக்கு 280 ரன்கள் வெற்றி இலக்காக நிர்ணயித்துள்ளது ரெஸ்ட் ஆப் இந்தியா.

கடந்த வருடம் சதம் விளாசியிருந்த ஹனுமா விஹாரி, இந்த போட்டியின் இரண்டு இன்னிங்சிலும் சதம் அடித்து சாதனைப் படைத்துள்ளார்.

ரெஸ்ட் ஆப் இந்தியா - விதர்பா அணிகளுக்கு இடையிலான இரானி கோப்பை கிரிக்கெட் நாக்பூரில் நடைபெற்று வருகிறது. டாஸ் வென்று முதலில் பேட்டிங் செய்த ரெஸ்ட் ஆப் இந்தியா 330 ரன்கள் சேர்த்தது. பின்னர் விதர்பா அணி முதல் இன்னிங்சை தொடங்கியது. நேற்றைய 2-வது நாள் ஆட்ட முடிவில் விதர்பா 6 விக்கெட் இழப்பிற்கு 245 ரன்கள் எடுத்திருந்தது. வாத்கர் 50 ரன்னுடனும், கார்னிவர் 15 ரன்னுடனும் களத்தில் இருந்தனர்.

இன்று 3-வது நாள் ஆட்டம் தொடங்கியது, வாத்கர் 73 ரன்கள் எடுத்து ஆட்டமிழந்தார். ஆனால் கார்னிவர் சிறப்பாக விளையாடி முதல் தர கிரிக்கெட்டில் தனது முதல் சதத்தை பதிவு செய்தார். தொடர்ந்து விளையாடிய அவர் 102 ரன்னில் ஆட்டமிழந்தார்.

வகாரே 20 ரன்களும், குர்பானி 28 ரன்களும், தாகூர் 10 ரன்களும் அடிக்க விதர்பா முதல் இன்னிங்சில் 425 ரன்கள் குவித்து ஆல்அவுட் ஆனது. ரெஸ்ட் ஆப் இந்தியா அணி சார்பில் ராகுல் சாஹர் அதிகபட்சமாக 4 விக்கெட்டுக்கள் வீழ்த்தினார்.

95 ரன்கள் பின்தங்கிய நிலையில் ரெஸ்ட் ஆப் இந்தியா 2-வது இன்னிங்சில் பேட்டிங் செய்து வருகிறது.

இரானி கோப்பை கிரிக்கெட் தொடர் நாக்பூரில் நடைபெற்று வருகிறது. நேற்றைய முதல் நாளில் ரெஸ்ட் ஆப் இந்தியா 330 ரன்கள் சேர்த்து ஆல்அவுட் ஆனது.

ஹனுமா விஹாரி 114 ரன்களும், மயாங்க் அகர்வால் 95 ரன்களும் அடித்தனர். விதர்பா அணி சார்பில் சர்வாத், வகாரே தலா மூன்று விக்கெட்டுக்கள் வீழ்த்தினர்.

இன்று 2-வது நாள் ஆட்டம் தொடங்கியது. விதர்பா அணியின் பாசல், சஞ்சய் ஆகியோர் தொடக்க வீரர்களாக களம் இறங்கினார்கள். பாசல் 27 ரன்னில் ஆட்டமிழந்தார். சஞ்சய் 65 ரன்கள் அடித்தார்.

டைட் 15 ரன்னிலும், காலே 1 ரன்னிலும் சர்வாத் 18 ரன்னிலும் வெளியேறினார்கள். கணேஷ் சதிஷ் 48 ரன்களில் ஆட்டமிழந்து அரைசதம் அடிக்கும் வாய்ப்பை தவறவிட்டார். வாத்கர் 50 ரன்கள் அடித்து ஆட்டமிழக்காமல் இருக்க, விதர்பா 2-வது நாள் ஆட்ட முடிவில் 6 விக்கெட் இழப்பிற்கு 245 ரன்கள் சேர்த்துள்ளது.

தற்போது வரை விதர்பா 85 ரன்கள் பின்தங்கிய நிலையில் உள்ளது. நாள் முதல் செசன் முழுவதும் தாக்குப்பிடித்து விளையாடினால் விதர்பா முன்னிலை பெற வாய்ப்புள்ளது.

இரானி கோப்பைக்கான டெஸ்ட் போட்டி நாக்பூரில் இன்று தொடங்கியது. இதில் ரஞ்சி கோப்பை சாம்பியன் விதர்பா - ரெஸ்ட் ஆப் இந்தியா அணிகள் பலப்பரீட்சை நடத்துகின்றன.

டாஸ் வென்ற ரெஸ்ட் ஆப் இந்தியா கேப்டன் ரகானே பேட்டிங் தேர்வு செய்தார். அதன்படி அந்த அணியின் மயாங்க் அகர்வால், அன்மோல்ப்ரீத் சிங் ஆகியோர் தொடக்க வீரர்களாக களம் இறங்கினார்கள். அன்மோல்ப்ரீத் சிங் 15 ரன்கள் எடுத்த நிலையில் ஆட்டமிழந்தார்.



அடுத்து மயாங்க் அகர்வால் உடன் ஹனுமா விஹாரி ஜோடி சேர்ந்தார். இந்த ஜோடி சிறப்பான ஆட்டத்தை வெளிப்படுத்தியது. மயாங்க் அகர்வால் 95 ரன்களில் ஆட்டமிழந்து சதம் அடிக்கும் வாய்ப்பை இழந்தார். மறுமுனையில் சதம் அடித்த ஹனுமா விஹாரி 114 ரன்கள் எடுத்த நிலையில் வெளியேறினார். அப்போது ரெஸ்ட் ஆப் இந்தியா 186 ரன்கள் எடுத்திருந்தது.

அதன்பின் வந்த ரகானே (13), ஷ்ரேயாஸ் அய்யர் (19), இஷான் கிஷன் (2), கே. கவுதம் (7), டி ஜடேஜா (6) சொற்ப ரன்களில் ஆட்டமிழக்க ரெஸ்ட் ஆப் இந்தியா முதல்நாள் ஆட்ட முடிவில் 330 ரன்கள் சேர்த்து ஆல்அவுட் ஆனது. விதர்பா அணி சார்பில் சர்வாத், வகாரே தலா மூன்று விக்கெட்டுக்கள் வீழ்த்தினர். 

ரஞ்சி கோப்பை கிரிக்கெட்டில் சாம்பியன் பட்டம் வெல்லும் அணியும், ரெஸ்ட் ஆஃப் இந்தியா அணியும் இரானி கோப்பைக்கான ஆட்டத்தில் மோதும். இந்த ஆட்டம் வருகிற 12-ந்தேதி முதல் 16-ந்தேதி வரை நாக்பூரில் நடக்கிறது.

இன்றுடன் முடிவடைந்த ரஞ்சி கோப்பை இறுதிப் போட்டியில் சவுராஷ்டிராவை வீழ்த்தி விதர்பா தொடர்ந்து 2-வது முறையாக சாம்பியன் பட்டம் வென்றுள்ளது. இந்நிலையில் ரெஸ்ட் ஆஃப் இந்தியா அணி அறிவிக்கப்பட்டுள்ளது.

ரகானே கேப்டனாக நியமிக்கப்பட்டுள்ளார். இஷான் கிஷன் கீப்பராக இடம்பெறுகிறார். ரெஸ்ட் ஆஃப் இந்தியா அணியில் இடம்பிடித்துள்ள வீரர்கள் விவரம்:-

1. ரகானே, 2. மயாங்க் அகர்வால், 3. அன்மோல்ப்ரீத் சிங், 4. ஹனுமா விஹாரி, 5. ஷ்ரேயாஸ் அய்யர், 6. இஷான் கிஷன், 7. கிரிஷ்ணப்பா கவுதம், 8. தர்மேந்த்ரசின் ஜடேஜா, 9. ராகுல் சாஹர், 10. அங்கித் ராஜ்பூட், 11. தன்வீர் உல்-ஹக், 12. ரோனிட் மோர், 13. சந்தீப் வாரியர், 14. ரிங்கு சிங், 15. ஸ்னெல் பட்டேல்.